osnenosdebego.blogspot.com: marzo 2020

Hola de novo amiguiños e amiguiñas.

Hoxe comparto convosco esta fichiña para facer todas as mañás.
Tedes que completar os oquiños coa axuda de mamá e papá. Podedes imprimila e facela cada día ou cando vos apeteza.
Podedes cantar a canción de Dona Semaniña para repasala e para que a aprenda a vosa familia.

Sigo recibindo os vosos traballiños. Eiquí van............Ah, olvidábame de contarvos que os nenos e nenas de 4 anos tamén están a facer moitas cousiñas nas súas casas, e a partirt de agora tamén as compartirán connosco. Gracias catroaneiros!!!

Esto é todo o traballo de Nora.....está todo xenial, Nora

Lara, e os seus irmáns Xavi e Yago tamén están a facer moitas cousas super interesantes....

COCIÑARON postres....mirade que ésto engorda moito

Fixeron......LUZ

e tamén fixeron manualidades, os 4 porquiños.

Agora só vos falta o lobiño Tito

A nosa amiguiña Lía tamén nos quería mostrar as súas creacións: animais de tubo de papel hixiénico. Quedaron chulíiiiiiiiisimos

Agora quero propoñervos unha cousiña que seguro que vos vai encantar e vai ser un recordo moi bonito para todos, algúns seguro que ata choraremos da emoción.
Tedes que facer unha foto coa vosa familia, irmáns, mascotas...na que nos lembredes que temos que quedar na casa, que nos animedes porque todo vai saír ben e verémonos pronto....en fin, algo que vos apeteza compartir. Empregade calquer material que teñades na casa, ou a tecnoloxía se sodes manitas.
Logo mandade a foto á profe Raquel ou a min e as publicaremos. Xa estamos esperando con moita ansiedade. E lembrade, hai que quedar na casa para saír desto todos xuntos e entre todos o antes posible. Ämovos moito e bótovos moitísimo de menos.

Aquí van as nosas. Un bicazo virtual

NOTA IMPORTANTE PARA AS FAMILIAS:
AVALIACIÓN 2º TRIMESTRE

http://www.edu.xunta.gal/centros/ceipopombal/system/files/Nota_familias_2%C2%AA_avaliaci%C3%B3n.pdf

OS 4 PORQUIÑOS E O LOBIÑO

Hola de novo, xa sei que son unha pesada, pero quería mandarvos traballar máis....é broma...

Hoxe imos lembrar o conto dos 4 porquiños e o lobiño, para que o leades na casa con papá, mamá ou cos vosos irmáns maiores. Xa sei que o coñecedes moi ben porque xa o contamos na clase e na casa.....pero temos que volver a velo para facer moitas cousiñas a partir del. Aquí vai o conto.

OS 4 PORQUIÑOS E O LOBIÑO

Había unha vez 4 porquiños que vivían nunha casa grande coa súa mamá e o seu papá. Todos eran diferentes, e, anque ás veces pelexaban, queríanse moito. Cada un tiña a súa roupa e xoguete favoritos e a súa cor preferida.

O maior chamábase Pepe. Era gordiño e moi lacazán, sempre estaba canso. Non axudaba na casa e só comía chuches, caramelos, tortas e pasteis e nunca lavaba os seus dentes, por iso tiña moitas caries. Tamén lle doía moito a barriga e a súa caca saía moooooi dura por comer tanto chocolate e dóces.

(hidratos----amarelo)

A segunda era Cuca. Tamén era bastante vagoneta e doíalle moito a barriga. Enfermaba moitas veces, pois non se alimentaba ben. Só comía carne, peixe, ovos e ás veces tomaba leite.

(proteínas: vermello)

O terceiro, Manu, estaba moi delgadiño e parecía o máis pequeno. Tamén se sentía un pouco débil e tiña pouca forza e enerxía, e case non crecía. Manu só comía froitas e verduras, que son moi boas, pero os seus país dicíanlle que tiña que comer de todo para crecer forte, san e ter moita enerxía.

(froitas e hortalizas: verde)

A máis pequena era Lola, que estaba moi forte e sana, sempre contenta e chea de enerxía. Case nunca estaba enferma e era a que máis axudaba na casa: barría, fregaba, facía a cama, collía froitos no horto, cantaba, bailaba. Pintaba….Lola comía de todo: froitas e verduras, carne, peixe, cereais, leite, ovos, ás veces tortas e pasteis e algunha chuche e lavaba os dentes a diario.

(de todo: todas as cores)

Moi cerca, dentro do bosque, vivía un lobiño chamado Tito. Era moi bo, pero todos lle tiñan medo, pois oiran falar mal dos lobos ……ademáis, tiña uns dentes moi grandes e era moi peludo.

Todos pensaban que os querería comer e escapaban cada vez que o vían polo bosque. Tito sentíase soíño porque non tiña amigos e non tiña con quen xogar. Tampouco tiña casa, pois ninguén lle ensinara a facer casas.

O porquiños vivían moi felices na casa de mamá e papá, pero ao facerse maiores, pensaron en construir cada un a súa propia casa.

O primeiro en construir unha casiña foi Pepe, pensou facela de palla, pois así terminaría pronto e podería xogar coa súa pelota. Acabou pronto e pintouna de amarelo.

Cuca construiu a súa casa de cartón. Terminou pronto e pintouna de vermello. Logo xogou coa súa cometa favorita.

Manu fixo a súa casa de madeira e pintouna de cor verde. Logo tocou as súas maracas.

Lola decidiu construir unha casa forte e segura. Pensou que lle daría moito traballo e levaríalle moito tempo, pero decidiu facela de ladrillos e de cemento. Lería máis adiante o seu libro favorito e logo xogaría cos seus irmáns. Pintou a súa casa de moitas cores: vermello, amarelo, verde, azul, laranxa….Lola pasou moito traballo, pero fixo a mellor e máis bonita casa do bosque.

Un día de inverno anunciaron no telediario que chegaría unha forte tormenta: “A borrasca”. Habería fortes ventos e choivas, polo que aconsellaron quedarse na casa para estar máis seguros.

Un forte vento soprou, tirou árbores, rocas e casas. Cando chegou a borrasca á casa de palla, soprou e soprou e a casiña pronto tirou. A palla empezou a voar, e o porquiño Pepe estaba moi asustado e sen saber que facer paralizado polo medo. O lobiño Tito, que tamén escapaba da borrasca, observou que o porquiño estaba en perigo. Sen pensalo 2 veces agarrouno pola man e salvouno polos pelos. Os 2 correron cara a casa de cartón a refuxiarse.

O vento sopraba sobre a casa de cartón…e soprou, e soprou, e soprou e cataplún…a casa de cartón de Cuca foise voando polo aire e desapareceu. O lobo e os 2 porquiños correron de novo a refuxiarse, esta vez á casa de madeira de Manu.

Borrasca seguía destruíndo todo ao seu paso e chegou á casa de madeira. Soprou, e soprou, e soprou e soprou e a casiña de novo destrozou. O 3 porquiños e o lobo, ateridos de frío e mortos de medo, volveron a correr sen mirar atrás. Conseguiron chegar, polos pelos á casiña de ladrillos e cemento de Lola.

O vento chegou á casa multicor de Lola, e soprou, e soprou, e volveu soprar……toda a noite sen parar…..pero…. a casa non logrou destrozar. Todos asombrados quedaron e tamén agotados de tanto fuxir.

Sen forzas xa, os 3 porquiños e o lobo quedaron durmidos na casa forte e segura de Lola. Lola preparou na súa cheminea un caldiño quentiño para cando espertaran.

Aquel día todos aprenderon unha bonita lección: non debemos xulgar nin rexeitar a ninguén pola súa apariencia ou polo que nos digan os demáis. Todos se enteraron da fazaña do lobo Tito. Agora é coñecido no bosque como SUPER TITO e, como agradecemento, os 4 porquiños axudaron a Tito a facer unha bonita, forte e segura casiña para estar a salvo e quentiño.

ACTIVIDADES PROPOSTAS

Imprime as imaxes das personaxes do noso conto e logo colorea ou decora como queiras, pero respectando a cor de roupa que corresponde a cada un:
_ PEPE AMARELO
_ CUCA VERMELLO
_ MANU VERDE
_ LOLA MULTICOR
_ LOBO TITO MARRÓN

Logo podedes recortalas coas tesoiras e poñerlles un pauciño ou unha palliña e facer títeres para un teatriño. ¡Veña actorazos!

E agora ¡¡¡¡ a SORPRESA que vos prometera!!!:
UN VIDEO NO QUE EXPLICO COMO FACER PORQUIÑOS DE ORIGAMI. Espero que vos guste moito e que o fagades na casa, é moi fácil e só precisades papel e rollos de papel hixiénico....Animádevos e compartide as vosas manualidades. Un bico mooooooi grande para todos e todas.

Hola, hola golfiñas e golfiños. ¿Como levades este encerro?, supoño que xa estaredes cansos e desexando saír da casa e volver ao cole para estar de novo xuntos. Aínda queda un pouco máis, só un pouquiño máis. ¡ Ánimo!, que sodes uns campións...seguro que mamá e papá están moi, pero que moi orgullosos do ben que vos portades estes días.
Nestes días recibín máis cousiñas vosas, que cada vez me gustan máis... sodes uns artistas.

Mirade, mirade todas as cousiñas que fixestes estes días:

Nayat está traballando moito coa súa familia. Quería unha cociña como a que temos no colee....mans á obra. Fixeron unha super cociña con corcho branco, bloques , madeira... e tamén culleres, coitelos e garfos. Quedaron preciosos. Seguro que así levarán mellor as cousas e divertiranse moito. Xenial Nayat.
Un bico virtual

Bruno, xunto coa axuda de mamá e de papá tamén traballou un montón....moi ben Bruno, así me gusta.
Fixo algunhas fichiñas e escribiu moitas palabras. Tamén cociñou magdalenas (debían estar riquísimas..) e...o que máis lle gustou foi o experimento de expulsar ao coronavirus do prato con xabón. Tamén debuxou un feísimo coronavirus.

Hola Golfiños e Golfiñas, espero que todos esteades moi, pero que moi ben. Eu sigo aquí, facendo cousiñas para vós...nunca me olvido de ningún.

Hoxe vouvos propoñer unha fichiña moi chula relacionada co conto que vos mandei do Monstro de cores, que estou segura que vos gustou tanto como a min. Ademáis fíxenvos un video sobre como botar do noso lado a tódolos virus do mundo, a ver si vos gusta e o probades na casa con mamá e papá.

Aquí vai o video sobre como temos que desfacernos de tódolos virus e bacterias.

Por certo, onte púxenme moi contenta, porque recibín máis cousiñas vosas.....que felicidade ter novas da vosa parte.

Nora mandounos fotos das fichas que fixo na casa, tamén fixo un debuxo moi chulo do feo virus, e un video da cena que cociñou coa súa familia....nada máis e nada menos que unha exquisita pizza... ñan, ñan. Gracias Nora e Vera, un bicazo enorme para as dúas.

Tamén recibín novas de Nayat, que estivo traballando moito na súa casa. Fixeron un gran puzzle do abecedario e tamén pintou algúns debuxos. Gracias Nayat, un achuchón xigante

Seguide mandando cousiñas a gonsia1@gmail.com

¡Ah!, olvídábame de contarvos un segrediño. Teño preparada unha sorpresa para o próximo día....seguro que vos vai encantar. Pero, chsssssss, non llo contedes a ninguén.... é un segredo.

O coronavirus e o monstruo de los cores

Hoxe gustaríame que visionedes este bonito conto do monstruo de cores (un monstruo moi bo) sobre o Coronavirus (ese bicho monstruoso que imos conseguir botar para sempre deste mundo). Escoitádeo con atención e logo podedes facer un debuxo do que máis vos gustou da historia....pode ser do Coronavirus. Podedes facelo como queirades: con pinturas, con pincel, con papeliños ou co se vos ocurra do que teñades na casa. Eu tamén farei o meu.

Veña, animádevos e compartídeo. Un biquiño virtual. Quérovos moitttíiiiiisimo.....

Tamén quero recomendarvos algunhas apps educactivas moi axeitadas para os momentos de ocio, para que xoguen coa tablet, ou o ordenador, sós ou en familia. Todas podedes descargalas na play store. Espero que vos gusten e, sobre todo, que aprendan e o pasedes moi ben xuntos