osnenosdebego.blogspot.com: PROXECTOS OS PARRULOS 4 anos 14-15

Durante todo o trimestre deseñamos, debuxamos e pintamos un gran mural...ao noso estilo surrealista. Tamén estamos a traballar diferentes pintores, correntes, estilos, materiais e técnicas pictóricas. O noso mural fixémolo con pinceis de distintos grosores e durezas e con témpera líquida. Pensamos que nos quedou increíble, moi corido e co noso propio estilo...o de todos e todas. Xulgade por vos mesmos...a ver que vos parece. A ver se conseguimos que sexa un Van Gogh, un Picasso... O máis importante é que o fixemos nós e que disfrutamos moito facendo día a día a nosa gran Obra. Ah, aceptamos propostas de títulos para a nosa creación.

A NOSA OBRA DE ARTE: "O ARCO DA VELLA DO TEITO"

PROXECTO: "FROITAS E VERDURAS.COMO"

OBRADOIROS DOS PAPÁS E MAMÁS

Este trimestre estamos a contar coa colaboración e os coñecementos dos papás e mamás, que nos aprenden moitas cousas novas sobre o que eles dominan ou lles gusta. Estamos encantados e moi agradecidos. Comezamos co papá de Nicolás, que nos nos presentou a Adolfo, un boneco moi grande co que practican os maiores que queren aprender a reanimación cardiopulmonar. Adolfo tiña bastante mala cara e ás veces tusía. Tamén contestaba sí ou non. Aprendimos a curar a Adolfo e pasámolo moi ben.
Gracias Fran. Aquí van as fotos (perdón pola mala calidade das fotos... pero os nenos estaban tan animados...que non paraban de moverse)

A mamá de Arantxa ofreceuse a facernos as auténticas arepas venezolanas.Disfrutamos moito tocando a masa, formando boliñas e logo as tortiñas para levar á casa a cociñar. Probamos no cole as que fixo na casa. Estaban moi boas, e, sobre todo, son sanas e naturais. Moitas gracias Eugenia.
A mamá de Mateo explicounos como se fan Brochetas de froita e de chuches. Pasámolo moi ben e, de paso, aprendimos que non hai que comer moitas cousas doces porque fan mal á barriguiña e fan que as caries estropeen os nosos dentes. Tamén lembramos que temos que lavar os dentes tódolos días, sobre todo antes de acostarnos. Probamos 3 tipos de froita: fresa, kiwi e plátano. Levamos para casa unha brocheta moi chula. Gracias Elena.

Papá e mamá de Ankur: o papá de Ankur é da India e tamén músico, así que se ofreceu a mostrarnos o funcionamento de instrumentos propios do seu país: as tablas e o armónico. A mamá tamén sabe tocar e cantar música hindú, así que nos ofreceron un concerto que nos encantou.Primeiro unha canción moi espiritual e logo outra máis movida que nos ixo palmear e bailar. Tamén nos contaron a historia de un superheroi hindú que tiña superpoderes...podía mover montañas. Tamén prepararon un postre típico dese país que leva sémola de trigo, cardamomo e froitos secos...era diferente ao que estamos habituados, pero estaba rico. Gracias Bicas e Leticia.

O venres o papá de Arantxa ofreceuse a ensinarnos dous cazóns, pequenos tiburóns ou quenllas, que ía devolver ao mar. Foi unha sorpresa para todos porque nunca viramos tan de cerca nin tocamos a estes peixes. ao principio daban un pouco de medo, pero logo atrevímonos a tocalos. Gracias por pensar en nós e por compartilo con todos os nenos-as da clase e coa profe.

ESTE CURSO EMPEZAMOS A SER PATRULLEIROS DO POMBAL. TEMOS QUE IR ACOSTUMÁNDONOS A COIDAR DO NOSO CONTORNO, A MANTELO LIMPO E CUIDADO. O CURSO PASADO APRENDIMOS A SER ORDEADOS E A COIDAR A NOSA AULA. AGORA APRENDEREMOS A MANTER LIMPO O NOSO PATIO DO RECREO E ENSINAREMOS A FACELO AOS MÁIS PEQUENOS E A TODOS OS QUE QUEIRAN APRENDER. DURANTE TODOS OS RECREOS, O ENCARGADO DA CLASE VESTIRÁ O SEU CHALECO QUE O IDENTIFICARÁ COMO PATRULLEIRO E VIXIARÁ A LIMPEZA DO PATIO...SERÁN TODA UNHA AUTORIDADE. MIRADE QUE GUAPOS E GUAPAS ESTÁN.