Hola de novo. Aquí temos os esperados videos do Samaín. A ver se vos gustan tanto como a nós.

samaín 2016 - Kizoa Editar Videos - Movie Maker

SAMAÍN. MERENDOLA DE MEDO - Kizoa Editar Videos - Movie Maker

OBRADOIRO DO CSIC Os científicos e científicas do CSIC, como sempre moi atentos e amables con nós, visitáronnos de novo. Esta vez contáronnos un conto moi chulo sobre unhas fabas que non daban crecido. Tamén nos falaron das legumes. Logo fixemos un experimento moi sinxelo, pero que lles encanta aos nenos-as. Eles sí que ven crecer as súas sementes: fabas e lentellas con algodón humedecido en auga. Todo metido nun vasiño transparente. O Método Científico no seu grado máis elemental...sempre se cumpren as hipóteses. Se non é así faise de novo.

CIENCIA NA AULA. CSIC - Kizoa Editar Videos - Movie Maker

FOMOS Á BIBLIOTECA E A INFORMÁTICA

O primeiro día que fomos á biblioteca, na semana de inauguración, o Rato Pérez, a nosa mascota da biblio, sorprendeunos con 2 agasallos: un conto moi chulo "los siete cabritillos" e con unhas chuches.
Na aula de informática descubrimos que temos moitos ordenadores e unha PDI (Pizarra Dixital Interactiva) nos que podemos aprender moitísimas cousas de xeito divertido e diferente.

biblio e informática - Kizoa Editar Videos - Movie Maker

OS GOLFIÑOS DE 3 ANOS. OS PRIMEIROS DÍAS DE COLE

Xa empezamos o cole de maiores. Parece mentira, pero os nosos bebés, xa non son bebés...empezan a facerse grandes. No cole adquiren novas experiencias que só poden adquirir convivindo con iguais e adultos que non son da casa, pero que pouco a pouco, pasan a ser unha parte moi importante das súas vidas. Neste momento o máis importante é que aprendan normas básicas de convivencia con outras persoas e persoíñas que non son da familia, que aprendan a ver os perigos, que se sintan seguros ao aprender a facer actividades cotiás básicas para a súa progresiva autonomía: poñer e quitar o mandilón e a chaqueta, abotoarse e desabotoarse, lavar e secar as mans, ir sooíños ao baño e limparse sen axuda, xogar cos compañeiros-as respectándoos, expresarse oralmente de xeito aberto e natural, escoitar aos demais e respectar turnos, coidar das cousas propias e comúns.....en fin, que se sintan seguros e parte do seu grupo-clase, que pouco a pouco sintan a necesidade de experimentar cousas novas e de aprender, pero, sobre todo, que veñan confiados, seguros e felices ao cole.

Empezamos o cole - Kizoa Editar Videos - Movie Maker