Martes, 22 de xuño de 2021
Xa chegamos ao fin deste curso, cansos, pero emocionados do ben que pasamos a pesar de todo.
Noraboa a todos-as polo voso traballo, implicación, comprensión, cariño....Estes peques comportáronse como uns campións, foron moi valentes e romperon todas as barreiras. Estou super orgullosa de todos.
Durante estas derradeiras semanas fixemos unha morea de cousas, tantas que non tiven tempo de subilas todas. Así que aproveito agora para ensinarvos todo en fotos. Para que vexades que traballamos un montón e que tamén nos divertimos unha barbaridade.
Comezamos.....
COMO ESTÁ O NOSO HORTO
Xa fomos moitas veces ao horto a ver as nosas pequenas verduriñas, que xa creceron porque as coidamos moito: limpamos malas herbas e pedras, regamos coas regadeiras, aboamos...e regamos coa mangueira. Pasámolo xenial nos días de calor con unha regadiña de auga fresquiña para os nosos corpos.
FIXEMOS BOTELLAS DA CALMA
fomos gardando as botelliñas de auga durante varios días e, cando tiñamos para todos, comezamos o traballo. Primeiro enchémolas con diferentes materiais: formas brillantes de moitas cores, pompóns, purpurina dourada...logo metimos glicerina líquida e auga ata enchelas. Por último peguei os tapóns ben con silicona quente para que non se abriran facilmente.
PINTAMOS UN MURAL CON DEBUXOS LIBRES ENTRE TODOS NUN CARTÓN ENORME
Reciclamos o cartón no que viña envolta a nosa nova Pizarra Dixital interactiva
PINTAMOS O MANDILÓN DO PROFE DANI, QUE QUEDOU ENCANTADO CO MODELIÑO
QUE MÁIS, QUE MÁIS?....
DISFRUTAMOS CON XOGOS DE AUGA
XOGO DE PESCAR TAPÓNS CON CANA
XOGO DE ENCHER CUBOS DE AUGA
E, POR FIN.....A GRAN MERENDOLA!!!!!
Uns días antes escribimos na pizarra blanca unha lista do que queriamos comprar para a merendola. Tamén pensamos na decoración para a nosa festa: puxemos banderíns e globos de moitas cores no porche da entrada á nosa clase. Quedou moi bonito e alegre.
PATACAS FRITAS, GUSANITOS, ACEITUNAS, BOCADILLOS DE PAVO E CHOURIZO, PASTEL DE CHOCOLATE E ZUME DE LARANXA E DE PIÑA.
E tamén pintamos as nosas bolsas coa remolacha, unha das nosas verduras favoritas. Na bolsa levamos todos os nosos traballos do trimestre e as notas.
VERDULEIROS
Isto é todo. Espero que pasedes unhas merecidas e felices vacacións de verán.
Espérovos a todos e a todas en setembro.
Moitos bicos e unha aperta enorme
