O TESOURO DA PIRATA RARAPATA
DÍA DA PAZ
Venres, 28 de xaneiro de 2022
Hoxe celebramos o día da Paz, aínda que estivemos toda a semana preparando cousiñas propostas polo cole para celebrar este día tan importante para nós. Todos os nenos e nenas do cole decoramos libremente uns pequenos pés para colgar nos enreixados do patio, simulando o Camiño de Santiago. A nós tocounos partir de Pontevedra que, simbólicamente estaba no inicio do enreixado do areeiro. Tamén fixemos unhas bonitas máscaras de pombiñas brancas da Paz....con plumiñas e todo.
Ah, tamén están no blog da biblio as primeiras "booktubers" da nosa clase recomendándonos libros para ler: Catrina, Nora e Alicia.
ANIVERSARIO DE FELIPE
BUSCAMOS O COFRE DO TESOURO DA PIRATA RARAPATA
Venres, 14 de decembro de 2022
Onte, xoves, coñecimos á nosa nova amiga, a pirata Rarapata, que nos enviou por correo unha carta selada na illa de Santa Lucía, que é donde ten atracado o seu barco. Pedía que a axudaramos a buscar un dos seus cofres dos seus máis de 100 tesouros. Na súa carta explicounos que é unha loba de mar e que vive nun barco pirata chamado "O dragón dos mares". Tamén nos contou que ela é a capitana do barco e que ten 17 piratas as súas ordes e que xuntos conquistaron máis de 100 barcos. Pero agora ten un problema, pois a súa cabeciña está un pouco olvidadiza e non lembra donde están os seus cofres agochados. Ela lembra que un deles está escondido no noso cole, pero non lembra ben donde. Así que decidimos axudala moi, pero que moi emocionados....Como mola buscar tesouros, verdade?
Uxía foi a encargada de abrir o sobre que nos chegou ao buzón do cole. Escoitamos con moita atención o que nos contaba na carta...ata estaba asinada e tiña moitos corazóns. Será unha pirata moi amorosa?
No blog da nosa clase deixounos preparados 4 xogos de pistas que tivemos que resolver un por un. Cada pista levounos a un lugar da clase, no que tiñamos que buscar. Resultaron ser as pezas dun puzle. Cando resolvimos todos os xogos e tiñamos todas as pezas, montamos o puzle, que resultou ser a imaxe dun pirata pescando. Fixemos todo en equipo, todos axudaron e participaron en todo o proceso.
Hoxe venres, despois de traballar un pouco para aprender a p minúscula, continuamos coa busca do tesouro. Tiñamos que resolver a adiviña para conseguir o premio: o mapa do tesouro.
Limos despaciño a adiviña e escoitamos con moita atención. A clase quedou silenciosa e todos estaban moi atentos e con cariña de pensar moito, e algúns resoplando. De súpeto alguén levantou a man coa cara moi feliz, pero á vez insegura. Uxía dixo que cría sabelo e dixo que era......
O rato robot da clase
Agora, a repartir o prezado botín....
ÚLTIMA ENTRADA
HORTO NA CLASE: REMOLACHAS
Continuamos coa nosa plantación. Durante esta semana, ademais de coidar das verduras e hortalizas do horto escolar, tamén fixemos un pequeno...
ENTRADAS MÁIS POPULARES
-
Bos días, golfiños e golfiñas. Hoxe é martes 5 de maio, Santo Anxo. A lúa está en fase crecente, esto quere dicir que pronto estará che...
-
Boas tardes golfiñas e golfiños. Xa chegou a fin de curso, sen despedidas, sen festival....un pouco triste, pero o importante é que todos...
-
AGORA XA TOCAN AS SUXERENCIAS DE TRABALLO PARA SEMANA SANTA. ESPERO QUE VOS SIRVAN PARA PASAR O MELLOR POSIBLE O VOSO TEMPO. UN BICAZ...
-
Hoxe vouvos propoñer algunhas fichiñas sinxelas para que vaiades facendo esta semana. Moito ánimo e saúde. Espero as vosas ...