SAÍDA AO CENTRO DE VISITANTES DAS ILLAS ATLÁNTICAS

Continuamos con esta semana tan activa. Hoxe visitamos o Centro de visitantes das Illas Atlánticas.

Foi unha xornada moi interesante, na que aprendimos unha morea de cousas sobre os protagonistas da nosa historia: Martiño, o corvo mariño e moitos dos seus amigos, os animais do noso Oceano Atlántico: o polbo, a estrela de mar, o cabaliño de mar, a vieira, a ameixa, a nécora, o congrio, a raia, as gaivotas e moitísimos máis. 

Martiño é un paxaro negro con ollos verdes que se alimenta do que pesca mergullándose no fondo do mar e "voando" baixo a auga. O corvo mariño, un experto pescador, vive nas nosas costas, pescando,descansando e facendo os seus niños nos cantís das Illas Atlánticas: Illas Cíes, Cortegada, Ons e Sálvora.

O que está claro é que temos un tesouro que non sempre coidamos o que se merece.

NO BUS

CHEGAMOS AO MUSEO

 

Despois destas entretidas e didácticas actividades, descansamos un ratiño nas escaleiras da Concatedral mentres tomamos unhas galletiñas e unhas orellas de Entroido. 

Trala merenda improvisada, demos un pequeno paseíño pola Laxe ata chegar ao autobús, que nos esperaba na Praza de Compostela.

En fin, un día divertido e ben aproveitado.