NOVAS ACTIVIDADES

Ola de novo.

Hoxe temos varias actividades que realizamos durante as derradeiras semanas para mostrarvos.

PRIMEIRA VISITA Á BIBLIOTECA DO NOSO COLE

O 9 de novembro, coñecimos por primeira vez a biblioteca do cole. A profe explicounos as normas básicas da biblioteca: estantes dos que podemos coller libros, como hai que colocalos no seu andei, cales podemos e non podemos levar prestados, hai que falar baixiño, non podemos correr nin desordear as cousas e, hai que marchar deixando todo recollido e ordeado.

A nosa hora é os xoves, polo que levaremos o libro metido na carpeta e será devolto o xoves da seguinte semana. Só poderemos levar un novo libro cando traiamos a carpeta e devolvamos o da semana anterior. 

A maleta viaxeira tamén será levada por cada neno-a unha semana completa, e podedes debuxar ou escribir o que máis vos gustou na libreta que vai dentro.

Moi contentos e emocionados, recollimos os agasallos que nos deixaron Castelao e o rato Pérez: 

uns bonitos identificadores de maletas.

CONTACONTOS E OBRADOIRO DE "VIGO PESQUEIRO"

O 14 de novembro, xunto cos compis de 3 anos A, tivemos a sorte de disfrutar dun bonito obradoiro de contacontos e papiroflexia sobre os peixes e mariscos da nosa ría gracias a "Vigo Pesqueiro" 

                                          

                                               https://vigopesqueiro.com/                                                   

Primeiro escoitamos con moita atención as peripecias de algúns peixes e mariscos: a nécora, as sardiñas, a balea, o bogavante...

Depois fixemos unha morea de preciosos mexilóns e colgámolos nos cordeis da batea...como as de verdade, pero en pequeno.  Ao rematar, deixáronnos un bonito cartel coas personaxes do conto e tamén agasalláronnos cun contiño.

Na próxima entrada....O MAGOSTO

Unha aperta