Mércores, 15 de xuño de 2022
Esto xa remata. Estamos contentos porque xa remata o curso e veñen esas merecidas vacacións, pero, ao mesmo tempo, bastante tristes porque pasamos a primaria e empezamos unha nova etapa nas nosas vidas.
Acércase a graduación, as derradeiras notas de infantil, a despedida do verán....buf, demasiadas emocións.
A de hoxe foi a nosa última excursión. Pasámolo moi ben e tivemos un día estupendo para estar no monte.
Primeiro fixemos unha boa camiñata polos sendeiros do monte, chegamos a unha poza chea de rás que croaban sen parar pero non se deixaron ver. Polo camiño atopamos unha morea de cogomelos, flores de castiñeiro que nos encantaron, castañas resecas e moitísimas follas secas acumuladas. Logo cruzamos unha ponte de madeira e pasmos ao outro lado do regato, seguimos o camiño máis longo e chegamos á carreteira sen perdernos. Merendamos nas mesas de pedra, xogamos con cordas, balóns e discos de lanzar. Para refrescarnos tomamos un xeado de nata e chocolate e xogamos un pouco máis. Pero a mañá fíxose curta e tivemos que volvernos para o cole.
En fín, pasámolo xenial en boa compañía.
Aquí vai un video das fotos que fomos tomando polo camiño.
No hay comentarios:
Publicar un comentario