osnenosdebego.blogspot.com: EXPOSICIÓN DO PROXECTO "CORPO PIRATA" E OUTROS TRABALLOS

Mércores, 1 de decembro de 2021

Xa rematamos o proxecto "Corpo Pirata" e, con todos os vosos traballos da casa e con moitas cousas que fixemos na clase, organizamos no noso corredor, fora da aula, unha exposición para que todos os nenos e nenas das outras clases poidan ser partícipes do noso traballo.

LIBROS, CONTOS E CREBACABEZAS, MOITOS DELES APORTADOS POR VÓS

AS CARAS DOS PEQUES CORTADAS EN 3 ANACOS: O PELO, OS OLLOS E A NARIZ, E A BOCA. XOGAMOS A RECOÑECER A QUEN PERTENCE CADA PARTE POR SEPARADO E A MONTAR AS 3 PARTES DE CADA UN.

GÚSTALLES MOITO MESTURALAS E FACER CARAS NOVAS CON TROZOS DE CADA UN

PRESENTEILLES NUNHA FOLLA VARIAS FIGURAS XEOMÉTRICAS DE DIFERENTES CORES. 1 CÍRCULO GRANDE E 2 PEQUENIÑOS, 1 RECTÁNGULO GRANDE E 1 PEQUENO, 4 RECTÁNGULOS LONGOS PARA AS PERNAS E OS BRAZOS. CADA UN RECURTOU AS SÚAS FORMAS CON TESOIRAS, LOGO MONTARON A FIGURA HUMANA COAS PARTES CORRESPONDENTES E PEGÁRONA NUN FOLIO CLARIÑO. POR ÚLTIMO, DECORARON LIBREMENTE AS SÚAS FIGURAS.

MIRADE QUE PRECIOSAS QUEDARON.

TAMÉN FIXEMOS UN PANEL GRANDE DAS PARTES DO CORPO QUE IAMOS COÑECENDO E INVENTAMOS UN NOVO XOGO CO RATO ROBOT: NUN EXTREMO ESTÁN OS DEBUXOS NUMERADOS DO 1 AO 10. NO OUTRO EXTREMO ESTÁ ESCRITO O NOME DE CADA ÓRGANO.

O XOGO CONSISTE EN TIRAR O DADO, DE MOMENTO ATA O 6, E COLOCAR O RATO NO NÚMERO QUE TOQUE, RECOÑECER O ÓRGANO QUE ESTÁ NESE NÚMERO E LOGO BUSCAR O SEU NOME NO OUTRO EXTREMO. POR ÚLTIMO TEÑEN QUE PLANIFICAR O PERCORRIDO DENDE O ÓRGANO ATA O SEU NOME.

PERO, NO CAMIÑO HAI DIFICULTADES: OUTRAS PARTES DO CORPO QUE TERÁN QUE NOMEAR E TOCAR SE PASAN POR ELAS E UNHA MOREA DE VIRUS E BACTERIAS, CON PINCHOS QUE NON DEIXAN AVANZAR AO RATO. SE CAEN NUN VIRUS TEÑEN QUE PASAR UNHA PROBA. HAI UN VIRUS "MORTAL", SE CAEMOS NEL, TEMOS QUE EMPEZAR DE NOVO.