Luns, 15 de novembro de 2021
Xa estamos a mediados de novembro, pasa o tempo voando, verdade?
Como di un dos moitos refráns galegos, "polo San Martiño, faise o Magosto, con castañas asadas e viño ou mosto". Nós non tomamos viño nin mosto, pero celebramos o noso Magosto.
Fixemos a xa famosa caixiña para as castañas con cartóns de leite, adicada este ano ao Camiño de Santiago. Na nosa clase fixemos unha especie de fusión Castaña_pirata_peregrina, que quedou moi simpática e chamativa. Tamén decoramos a caixa grande da nosa clase para meter todas as castañas asadas antes de repartilas. O venres visitáronnos o castañeiro e a castañeira, que asaron castañas para todo o cole nun asador máquina de tren. Grazas señor e señora castañeiros. Ademáis amenizaron a nosa festa con música galega, como debe ser, a profe Teresa, a profe Angélica e o profe Lucas.
Aquí vai un video e algunhas fotos da nosa festa do Magosto.
No hay comentarios:
Publicar un comentario