SEMENTAR, SEMENTAREMOS...

 Ola de novo. Hoxe é xoves, 8 de abril de 2021.

SEMENTES DE LEITUGA

SEMENTES DE PIRIXEL

Este mércores comenzamos un novo pequeno proxecto. O obxectivo é ver crecer as nosas sementes e, cando xa teñamos as novas plantiñas, trasplantalas ao  horto do cole. Logo coidalas moito, aprendendo así que todos os seres vivos, incluídas as plantas, precisan de coidados para poder sobrevivir. E tamén comprenderemos que as persoas necesitamos dos vexetais para a nosa supervivencia.

Hoxe tocou sementar pirixel e leitugas. Aprenderemos que necesitan terra, auga, sol e, sobre todo moito mimo, que son de diferentes cores e formas, que os animais tamén se alimentan delas e tamén axudan na súa reproducción (miñocas ou lombrices de terra, abellas, aves, algúns insectos como as xoaniñas..), que, como nós, aliméntanse, beben, repiran, crecen e reprodúcense, que teñen un "corpo" con diferentes partes (raíces, talo, follas, flores). 

Tamén aprenderemos cousas sobre a primavera e os cambios que se producen na natureza en cada estación. Centrarémonos nas verduras e hortalizas, tan necesarias para unha alimentación diaria equilibrada, pola fibra, as vitaminas e minerais que nos aportan. 

Iremos coidándoas a diario e veremos como empezan a emerxer da terra esas novas plantiñas. A ver se nos crecen moito e, quen sabe, tal vez poidamos preparar unha rica ensalada ou unha deliciosa pizza vexetal coa nosa colleita.....que emoción!!!!

Aquí vai un video de fotos da nosa sementación. A música é unha canción (nana) moi bonita titulada 

         "nana del perejil" de Francisco Rodríguez.