Hoxe é venres, 5 de marzo de 2021.
O martes fomos dos primeiros en inaugurar este curso a biblioteca do cole. Estaban tan emocionados como se foran unha excursión. A profe Montse, unha das encargadas da biblioteca, ensinounos a nova biblio, con moitísimos cambios, tanto en mobiliario como en materiais. Agora hai moitas máis cousas para xogar e aprender: libros, robots, puzzles, unha sala nova para relaxarse...e moitísimas novidades.
Para poder entrar, primeiro tivemos que coller a nosa entrada, como no cine. Logo, cando chegamos, falando baixiño, tivemos que entregar a nosa entrada (ticket) para poder entrar. Lembramos ao rato Pérez e a Castelao, que era un escritor galego que da nome á nosa biblioteca. Vimos os novos estantes e a súa organización por cores e temáticas e sentámonos nuns sofás super chulos e comodísimos, para así poder ler moi a gustiño. Tamén nos agasallaron cunha bolsiña de chuches, pouquiñas, para que o rato Pérez non se enfade moito, pois non quere dentes con caries.
No hay comentarios:
Publicar un comentario