Hoxe é venres 8 de maio de 2020. Están de Santo todos os Víctor e celébrase o día Internacional da Cruz vermella, que traballa en misións humanitarias por todo o mundo.
Os traballiños que estades a mandar son unha marabilla, sodes incribles!!
Aínda que un día xa vos mandei unha receita para facer a vosa propia plastilina, pareceume que eu tamén debería facela, pois gústame moito facer figuriñas con plasti. Entón...mans á obra. Collín os ingredentes necesarios e fabriquei a miña propia. Pasei un rato moi divertido amasando e amasando e poñéndolle cores. Despóis fixen cousiñas con ela. Xa veredes que divertida é esta actividade. Para facela precisades a axuda de mami ou papi, pero para logo xogar con ela non. Cando a teñades feita podedes metela nunha bolsiña ou envolvela en fil transparente e metela na neveira pechadiña. Así dura bastante tempo. Esta é a miña receita:
2 culleradas de aceite
colorantes alimentarios 200 gramos de fariña
100 gr. ou 100 ml. de auga
50 gr. de sal fina
Agora mirade todo o que fixen eu coa miña plastilina. Podedes facer cousas como estas e outras que se vos ocorran.
Agora mirade todas as cousas que fixestes na vosa casa
Nayat enviounos algunhas fichas e dous videos curtiños.
Gracias Nayat, estás moooooooi guapo co teu corte de pelo.
Ángel tamén enviou moitos traballiños e 2 videos moi interesantes e graciosos. Gracias Ángel, eres un crack
Quedou chulísimo o teu debuxo das liñas de cores
Traballando inglés. Good job !, Ángel
Ángel e o seu papá cantando a canción "Finger Family puppets"
A ficha da LEITUGA. Atopou 8 letras L
Tamén xuntaron na mesa moitas verduras e hortalizas que tiñan na casa e puxeron a letra de cada unha ao seu lado. Cantas cousas boas e ricas, ñan, ñan..
Bueno, moitas gracias a todos os que mandades os vosos traballiños. Animádesme moito a seguir pensando e facendo actividades para que aprendades e pasedes bos momentos. Sei que a maioría facedes cousiñas na casa. Gustaríame que me mandarades fotos todos os da clase, aínda que sexan de actividades que eu non propoña no blog. Podedes mandar unha foto vosa facendo algunha actividade en familia, cociñando, limpando...ou pintando, debuxando, bailando...o que poidades. Subirei todo ao blog con moito gusto. Un bico e unha aperta a todos. Tede unha moi boa fin de semana.
No hay comentarios:
Publicar un comentario