Hoxe é mércores, 15 de abril. É Santa Anastasia e, ademáis o día da Arte. Por certo, a que non sabedes como estará hoxe a lúa pola noite?....pois hoxe estará minguante, estáse a facer máis pequeniña e ten forma de C. Comprobádeo pola noite, a ver si a vedes entre as nubes.
Teño moitas cousas novas na parrilla de saída e xa estou desexando que as vexades. Por certo, gustouvos o conto do león que non sabía escribir?......espero que vos gustara moito.
Pois ao final creo que aprendeu a escribir e a ler tamén, pois a súa amiga a leona ensinouno moi ben e con moito AMOR
Para comezar, un recadiño da profe de inglés, Jessi:
Ah!!! moitos saúdos, bicos e apertas da profe de música, a profe Teresa
Por certo, teño que ensinarvos as sementes de garabanzo e de lentellas que sementara no vaso de algodón...empezaron a crecer.
Hoxe vouvos dar unha receita de cola para pegar, xa que imaxino que moitos xa estaredes en mínimos...eu tamén.
Non é como a comprada, pero serve para un apuro. Podedes mesturala coa comprada que tedes na casa para que vos renda máis. Ten a ventaxa de que sae barata e dura moitos días, ademáis faise con cousas que soemos ter na casa. O inconvinte é que non pega tanto como a comprada, pero da bastante o pego. A min serviume, xa veredes.
Empezamos cos vosos traballiños e fotos...buf!!! teño unha morea e tiven que elixir só algunhas.
Nayat fixo varias das fichas e tamén a roda das pinzas e números...xenial Nayat
Sara e a súa familia aproveitaron para cambiar a decoración da súa habitación. Así de chulo quedou a súa zona de traballar e xogar...igualiño que no cole. Quedou preciosa, Sara.
Nora tamén o pasou xenial, fixo todas as fichas e algunhas máis. Tamén fixeron unhas manualidades impresionantes con sal e tiza e unhas flores de papel preciosas. Queremos aprender a facelas!!!
xoieiro de tubos de papel hixiénico |
flores de varios tipos de papel |
Ángel segue a traballar un montón e está aprendendo moito tamén. Mandounos foto das súas sementes de faba e garabanzo,que tamén empezaron a crecer. Tamén lle encantou o conto do león, e o seu papá imprimiullo e grapoullo como un conto de verdade e escribiu as palabras e pegou cada letra no seu lugar para formar os animais do conto. Logo un bonito debuxo do león e a leona. Espectacular Ángel.
fabas e garabanzos que empezan a crecer |
vaso de io |
Agora xa vai o video donde explico como se fai a cola. Tamén quero mostrarvos fotos de algunhas cousiñas que fixen eu con ela e con macarróns. Vos tamén podedes facelo á vosa maneira, desnvolvendo a vosa creatividade. Tan só precisamos:
_ Cola branca para pegar e pinceis para poñela
_ Papel, cartulina ou o que teñades
_ Pasta da de comer: macarróns de diferentes formas, caracolas, paxariñas...
_ Arroz de cores: tinguides o arroz con témpera (eu fíxeno con un pincel e deixeino secar) e logo gardades en botes separado por cores. Serviravos para xogar con el manipulándoo, encher formas, facer paisaxes e debuxos, decorar cousas....Eu fixen unha composición de primavera: flores con macarróns e espirais, e con arroz de cores.
pasta |
pincel |
cola caseira |
arroz de cores |
Pediredes a papá ou mamá que vos fagan a letra inicial do voso nome moi grande nun papel e a decoredes con arroz de cores. Quedaravos precioso. Eu tamén fixen a miña.
VIDEO: COMO FACER COLA CASEIRA
(HAI 2 PARTES, A SEGUNDA CORTIÑA)
No hay comentarios:
Publicar un comentario