Boas tardes golfiñas e golfiños. Hoxe é xoves 16 de abril, un día triste e chuvioso, A lúa  segue minguante, con forma de  C.  Celébrase Santa Engraza e tamén é o día da Voz. Pero aquí seguimos, tentando encher o noso tempo facendo moitas cousiñas. Hoxe imos aprender dous refráns moi populares. Practicádeos na casa con mamá e papá.
                                                   
                                                     "En abril, augas mil"

                                 "O sol de abril, mata á porca no cubil"

                         DÍA  DO  LIBRO: 23  DE  ABRIL

O día 23  de abril, é dicir, xustiño dentro de unha semaniña, celébrase  o  Día  do  Libro. Para  celebralo a  biblio do cole propón no  seu blog unha actividade moi chula que vos vai encantar. Só  tedes que buscar o  voso  conto favorito dos que teñades na casa, que estou  segura de que tedes un montón, e contalo ou lelo ao voso xeito, engadindo os apoios que queirades (deixade voar a vosa imaxinación) e pedirlle a mamá ou papá que vos grave  co teléfono móbil  e mandar o voso video seguindo as instruccións  do blog da biblio. Tamén  hai suxerencias  de  manualidades moi interesante que podedes realizar na  casa. Premendo neste enlace que vai a continuación podedes  acceder ao blog.

                 http://castelaonopombal.blogspot.com/

Ah,   e  lembrade  que podedes acceder aos blogs do cole dende a súa páxina web ou entrando dende este blog en 
"enlaces interesantes", xusto debaixo da  foto de portada, pinchando en "Máis"

                       ALGUNHAS  FICHIÑAS

                                                                                                                      

Bueno, despídome  por  hoxe....mañá  máis.  Cuidádevos  moito